Microsoft бейне ойын шығарушысы Activision Blizzard—ты 68,7 миллиард долларға - бір акция үшін 95 долларға сатып алу туралы мәміле жариялады. Бұл Microsoft корпорациясының ең ірі сатып алуы және бейне ойындар индустриясындағы ең ірі мәміле болады. Осы жаңалық аясында Activision Blizzard акциялары әрқайсысы 65,39 долларға дейін қымбаттады.
Activision Blizzard — ойын және интерактивті ойын-сауық контентінің ең ірі баспагері. Компанияның ойындарына әлемге әйгілі Call of Duty, Candy Crush, Warcraft, Diablo, Overwatch және Hearthstone кіреді. Майкрософттың айтуынша, мәміле оның мобильді құрылғылардағы, компьютерлердегі, консольдердегі және бұлттағы ойын бизнесінің өсуін арттырады. Сондай-ақ бұл метаверсті құрудың негізі болады.
Microsoft мәміле аяқталғаннан кейін Activision Blizzard ойындарын Xbox Game Pass жүйесіне қосуды жоспарлап отыр. "Жабылғаннан кейін біз Xbox Game Pass және PC Game Pass арқылы мүмкіндігінше көп Activision Blizzard ойындарын ұсынамыз", — деді Xbox басшысы Фил Спенсер. Activision Blizzard компаниясының қазіргі басшысы Бобби Котик бас директор қызметін жалғастырады. Естеріңізге сала кетейік, шамамен бір жыл бұрын Microsoft Bethesda-ны 7,5 миллиард долларға сатып алған болатын.
