Google Ресей мен Беларусь пайдаланушыларын ағымдағы төленген мерзім аяқталғаннан кейін Google One жазылымдарының тоқтатылғаны туралы хабардар етті. Бұл шешімнің себебі "сіздің аймағыңыздан төлемдерді өңдеу қазіргі уақытта жүргізіліп жатқан жоқ».
Өткен айда Google ресейлік пайдаланушылар үшін Play Store арқылы сатып алуды тоқтатты, бірақ One жазылымын ioS жүйесіне арналған сәйкес қолданба арқылы жаңартуға болады. Енді мұндай мүмкіндік те жойылады. Бұл ретте бір жылға төленген жазылымы барлар оны төленген мерзім бойы пайдалана алады.
One жазылымдарының жарамдылық мерзімі аяқталғаннан кейін ресейліктер мен белорустар Google бұлттық қызметін пайдалана алады, бірақ жад көлемі стандартты 15 ГБ дейін азаяды, олар тегін қолжетімді. Егер пайдаланушыда осы көлемнен көп болса, онда Google файлдарды дереу жоймайды және белгілі бір уақыт ішінде оларға қол жетімділікті қалдырады. Бірақ жаңа файлдарды "Google Photos", "Google Drive" және компанияның басқа қызметтерінде 15 Гб шегінен тыс сақтау жұмыс істемейді.
Естеріңізге сала кетейік, Украинадағы жағдайдың ушығуына байланысты Visa және MasterCard төлем жүйелері Ресейдегі жұмысын тоқтатты. Осыдан кейін көп ұзамай Google өзінің Play Store сандық контент дүкенінде төлемдерді жүзеге асыру мүмкіндігін шектеді, соның салдарынан ресейлік пайдаланушылар енді ақылы ойындар мен қолданбаларды сатып ала алмайды, жазылымдарды жаңарта алмайды және қолданба ішінде транзакцияларды жүзеге асыра алмайды. Беларуссиядан келген пайдаланушыларға қатысты мәселе тек санкцияларға ұшыраған банктердің карталары арқылы төленген жазылымдары бар адамдарға қатысты болды.
